INGREDIENTES -4 güevos -200 g d'azucre blanco.  -1 plizcu de sal.  -200 g de mantega cocida. (250 g de mantega normal van consiguir esta cantidá, embaxo indico los pasos pa facela).  -3 cuyaraes de llicor d'anís (opcional). -Arrayadura de 1 llimón. -Zume de 1 llimón. -10 g de lleldu en polvu (aprosimao 1 cuyarada). -750 g de farina de fuerza (farina 00, la farina de fuerza del super).    PREPARACIÓN Pa consiguir la mantega cocida: -Vamos precisar un cazu, la mantega y un recipiente o vasu de cristal.  -Calecemos la mantega (250 g) nel cazu hasta que se derrita, retiramos del fueu y vertimos sobro'l recipiente de cristal ensin remover. -Dexamos pasar unos minutos y vemos cómo la mantega estrémase en trés. Tenemos de retirar la capa blanca cimera y la inferior, quedándonos cola parte mariella de la mantega que ye la que vamos utilizar pa esta receta.  -Una vegada esfreciera vamos tener los nuesos 200 g de mantega cocida.  Darréu, vamos ellaborar les marañueles: -Nun recipiente grande entemecemos la farina de fuerza, l'azucre blanco, l'anís, el sal, el lleldu en polvu y la mantega (si ye cocida como dixéramos nos pasos anteriores, meyor). -Vamos consiguir una masa trupo y pegañoso. Tapámoslo con un pañu y dexámoslo reposar dos hores.  -Preparamos una bandexa de fornu con papel o una bandexa pa enfornar galletes.  -Una vegada la masa reposó, podemos formar les marañueles. Nel mio casu coyí porciones de masa cola mano y di-yos forma sobro una superficie.  -Asitiamos les distintes formes de marañueles na bandexa de fornu.  -Enfornamos a 180º Celsius con calor enriba y embaxo, mientres 30-40 minutos. El tiempu esactu va depender del vuesu fornu. Reparái que se doren les marañueles. -Dexamos esfrecer sobre una rede y esfrutamos. -Vas naguar col arume a llimón.